Хөхний хавдар

Хөхний булчирхайн хучуур эдийн гаралтай хавдрыг хөхний хавдар гэнэ.

Хөхний хавдрын тархалт

1. 2022 онд 283 хөхний хорт хавдрын тохиолдол шинээр бүртгэгдсэн байна.
2. Хөхний хорт хавдраар өвчилсөн нийт эмэгтэйчүүдийн 78 хувь нь 40-45 насны эмэгтэйчүүд байна.
3. Хөхний хорт хавдрын хяналтад байгаа хүмүүсийн 51 хувь нь 5-аас дээш жил амьдарч байна.

Хөхний хавдрын эрсдэлт хүчин зүйлүүд:

1. Хорт зуршил
2. Хүйсийн онцлог
3. Илүүдэл жин
4. Цацраг туяа
5. Удамшил
6. Насжилт

Хөхний хорт хавдрын үед ямар шинж тэмдгүүд илэрдэг вэ?

1. Хөхөнд бэрсүү масс тэмтрэгдэх, арьс аль нэг хэсэг газраа зузаарах, хөхний толгой дотогш татагдах
2. Хөхний хэлбэр, хэмжээ, гадаад төрх байдал өөрчлөгдөх
3. Хөхний арьс аль нэг хэсэг газраа хонхойх, улайх, нүхжих
4. Хөхний толгойноос эмгэг шүүрэл гарах, суганы булчирхай томрох, тэмтрэгдэх, өвдөлт өгөх
5. Хөхний толгойн гадаад төрх байдал өөрчлөгдөх эсвэл хөхний толгой, нөсөөт бүрдлийн эргэн тойрон дахь арьсны өөрчлөлтүүд

Хэрхэн оношлуулах вэ?

1. Маммографийн шинжилгээ – энэ нь бага давтамжит рентген туяаг ашиглан хөхийг шинжилдэг дүрс оношилгооны арга юм.
2. Хөхний хэт авиан шинжилгээ – хөхний уйланхай болон хатуу үүсгэвэрийг хооронд нь ялгах, маммограф дээр тодорхой харагдахгүй байгаа үүсгэвэрийг тодруулах зорилгоор шинжилнэ.
3. Эд, эсийн шинжилгээ – сэжигтэй үүсгэвэрээс нарийн зүүгээр соруулан авч эсийн шинжилгээ хийнэ. Тэмтрэгдэж байгаа бэрсүүнд дүрс оношилгооны хяналтад 11-16G хэмжээтэй зүү ашиглан хатгалт хийж эдийн шинжилгээний хийнэ.

Хэрхэн урьдчилан сэргийлэх вэ?

1. Жилдээ 1 удаа хөхний эхо буюу хэт авиан шинжилгээнд тогтмол хамрагдах
2. Тогтмол дасгал хөдөлгөөн хийх
3. Архи, тамхинаас татгалзах
4. Шинж тэмдгүүдийг таних
5. Хөхний эрүүл мэндийн боловсролоо нэмэгдүүлэх

Эх сурвалж:

1. Эрүүл мэндийн хөгжлийн төв – Эрүүл мэндийн үзүүлэлт 2022
2. ХСҮТ-ийн Эмэгтэйчүүдийн мэс заслын тасгийн эмч нарын хамтын бүтээл – "ЭМЭГТЭЙЧҮҮДИЙН ХАВДАР СУДЛАЛ" ном